Milli Gimnastika Arenasında aerobika gimnastikası üzrə 11-ci Avropa Çempionatının final yarışları keçirilir.
Milli.Az Trend-ə istinadən bildirir ki, Azərbaycan komandası böyüklər arasında aero dans proqramında qızıl medal qazanıblar. Gimnastlarımız 17,800 bal toplayıblar.
Azərbaycan komandasının tərkibi: Ayxan Əhmədli, Balaxanım Əhmədova, Nərminə Hüseynova, Nigar İbrahimbəyli, İmran İmranov, Akif Kərimli, Elçin Məmmədov, Mədinə Mustafayeva.
İnternetdə azarkeşlər və gimnastlarımızın Azərbaycan Dövlət himninin möhtəşəm ifasının görüntüləri yayılıb.
Milli.Az