İspaniyanın "Real" klubu 2018/19 mövsümünün ən yaxşı futbolçusunu müəyyənləşdirib.
Milli.Az xəbər verir ki, Kərim Benzema Madrid təmsilçisində cari mövsümün ən yaxşısı seçilib. Bu barədə klubun mətbuat xidməti məlumat yayıb.
O, azarkeşlər arasında keçirilən səsvermənin yekun nəticəsinə əsasən, birinci olub. Bu münasibətlə fransalı hücumçuya xüsusi mükafat da təqdim edilib.
Qeyd edək ki, Benzema son mövsümdə 53 matça çıxıb, 30 qol vurub, 11 məhsuldar ötürmə müəllifi olub.
Milli.Az