Türkiyə Super Liqasında 2018/19 mövsümünün qalibi müəyyənləşib.
Milli.Az xəbər verir ki, 33-cü turda 66 xalla ilk iki pilləni bölüşən "Qalatasaray" və "Başakşəhər" "Türk Telekom Arena"da üz-üzə gəliblər.
Oyun "sarı-qırmızılar"ın 2:1 hesablı qələbəsiylə yekunlaşıb. Bu nəticə Fatih Terimin komandasını sona 1 tur qalmış çempion edib.
"Qalatasaray" ardıcıl 2-ci, ümumilikdə 22-ci dəfə Türkiyə çempionu olub.
"Qalatasaray" - "Başakşəhər" - 2:1
Qollar: Sofian Fequli, 47, Henri Onyekuru, 64 - Riad Bayiç, 17
Milli.Az