Amerikalılar Paşinyandan narazıdır

15 May 2019 19:04

Ermənistan baş naziri Nikol Paşinyan və ABŞ-ın yeni səfiri Linn Treysi arasındakı görüş uğursuz olub. 

Milli.Az Oxu.az-a istinadən xəbər verir ki. bununla bağlı "Qraparak" nəşri Ermənistan hökumətindəki mənbəyə istinadən məlumat yayıb. 

"Amerikalılar hökumət başçısının son iki anti-Amerika bəyanatından və daim maliyyə yardımı olmaması ilə bağlı narazılığından qəzəbləniblər. Öz növbəsində, Paşinyan deyib ki, ABŞ daha çox kömək edə bilər. Vəziyyəti düzəltmək üçün hökumət Vaşinqtona müxtəlif kalibrli bir neçə məmur göndərmək qərarına gəlib. 

Ermənistan Xarici İşlər Nazirliyinin əvvəlcədən bəyanat verməməsinə baxmayaraq, çox güman ki, yaxın vaxtlarda Zöhrab Mnatsakanyan, Müdafiə Nazirliyinin nümayəndə heyəti və iqtisadi bloka məsuliyyətli olan şəxslər ABŞ-a gedəcəklər.

Bundan başqa, bütün dövlət aparatı Ermənistan Təhlükəsizlik Şurasının baş katibi Armen Qriqoryanın ABŞ-a səfərinə, FTB və MKİ rəhbərləri ilə onun görüşünün təşkilinə hazırlıq proseslərini görürlər", - məlumatda bildirilib.

Milli.Az