Futbol üzrə İran millisini çalışdıracaq yeni baş məşqçinin adı məlum olub.
Milli.Az komanda.az-a istinadən xəbər verir ki, yığmanın "sükan"ı Mark Vilmotsa tapşırılacaq. Bu barədə İran mətbuatı məlumat yayıb. Vilmotsla müddəti DÇ-2022-nin sonuna qədər olan müqavilə imzalanacaq.
2012-2016-cı illərdə Belçika millisinə rəhbərlik edən Vilmotsun son iş yeri Fil Dişi Sahili yığması olub. Belçikalı mütəxəssis 2017-ci ilin noyabrından işsizdir.
İran millisini son olaraq Karluş Keyruş çalışdırıb. O, DÇ-2018-dən sonra baş məşqçi postundan ayrılıb.
Milli.Az