Fransanın 850 illik tarixi simvolu olan Notr Dam kilsəsində baş verən yanğınla bağlı növbəti açıqlama verilib.
Milli.Az chip.az-a istinadən bildirir ki, aprelin 15-də dünya şöhrətli Notr Dam kilsəsindəki yanğın bir anda hər kəsin gözlərini Fransaya çevirdi. Saatlarla davam edən yanğını söndürməyə çalışan xilasetmə qrupunun nümayəndəsi Lt-Col Gabriel Plus "Abidə bütünlüklə yararsız vəziyyətdədir " deyə bildirmişdi.
Yanğından sonra, abidənin yenidən inşa olunması yolları müzakirə olunarkən maddi dəstəklərin edilməsi məsələsi də gündəmə gəldi. Dünyaca məşhur fransız şirkətlərinin 300 milyon avro məbləğində maddi vəsait ayırmasından sonra Apple şirkəti də hərəkətə keçdi. Tim Cook gələcək nəsillər üçün Notr Dam abidəsinin qiymətli miras olduğunu qeyd edərək onun bərpası üçün təmsil etdiyi Apple şirkəti tərəfindən dəstək göstəriləcəyini vurğulayıb.
Qeyd edək ki, adı çəkilən şirkət tərəfindən maddi dəstəyin nə zaman və hansı məbləğdə həyata keçirələcəyi haqqında məlumat hələki açıqlanmayıb. Bundan başqa yanğının baş vermə səbəbinin araşdırılması davam etdirilir. Hadisənin tikilidə yenilənmə işlərinin icrası səbəbindən qaynaqlandığı ehtimalları da var.
Milli.Az