Hacıqabul rayonunda, Pirsaat çayının sahilində yerləşən Pir Hüseyn Xanəgahı Tarix-Memarlıq Qoruğu qədim tariximizi və zəngin mədəni irsimizi özündə yaşadan abidələrimizdən biridir.
Böyük sufi şeyxi, görkəmli alim və filosof Pir Hüseyn Şirvaninin məzarı ətrafında ucaldılmış XI-XIV əsrlərə aid memarlıq kompleksi yerli və xarici turistlərin diqqətini çəkir. Ölkə əhəmiyyətli abidələrdən sayılan Pir Hüseyn Xanəgahı Azərbaycan ərazisində olan xanəgahlar arasında mühüm yer tutur. 2005-ci ildən burada tarix-memarlıq qoruğu fəaliyyət göstərir.
Milli.Az AZƏRTAC-a istinadən Bakıdan 127 kilometr məsafədə yerləşən Pir Hüseyn Xanəgahının fotoqraf İradə Qədirova tərəfindən çəkilən fotolarını təqdim edir.
Milli.Az