Azərbaycanda dəhşətli ailə dramı: 18 yaşlı gəlin özünü asdı

14 Aprel 2019 16:17

İsmayıllı rayonunda intihar hadisəsi baş verib, ONA məlumat yayıb. 

Milli.Az bildirir ki, hadisə rayonun İvanovka kəndində olub.

Bir neçə ay öncə rayonun Qaraqaya kəndindən İvanovka kəndinə gəlin köçən 2001-ci il təvəllüdlü Mahirə Hüseynova yaşadığı evin həyətindəki yardımçı tikilidən özünü kəndirlə asaraq intihar edib. Gənc qadının özünə qəsd etməsinin səbəbi hələlik məlum deyil.

İlkin ehtimala görə, M. Hüseynova ailə münaqişəsi zamanı əsəbiləşərək intihar edib.

Faktla bağlı İsmayıllı rayon Prokurorluğu tərəfindən araşdırma aparılır.

Milli.Az