Parisdə və Fransanın regionlarında artıq 18-ci şənbə günü ardıcıl olaraq "sarı jiletlilər"in etiraz aksiyası keçirilir.
Milli.Az qafqazinfo-ya istinadən xəbər verir ki, paytaxt Parisdə iki saatdan çoxdur ki etirazçılarla polis arasında qarşıdurma davam edir. Hüquq-mühafizə orqanları aksiyanın gedişində 31 nəfəri saxlayıb.
Paris polisi aksiyanı dağıtmaq üçün su şırnağından istifadə edib.
Yerli telekanallar bildirirlər ki, son bir neçə həftədə "sarı jiletlilər"in aksiyası dinc şəraitdə keçirilirdisə, bugünkü aksiya ilk həftələrdəkini xatırladır.
Milli.Az