İdman gimnastikası üzrə Dünya Kubokunda kişilər arasında dayaqla tullanmada finalçılar məlum olub

15 Mart 2019 18:07

Milli Gimnastika Arenasında idman gimnastikası üzrə Dünya Kubokunda kişilər arasında dayaqla tullanmada finalçılar məlum olub.

Milli.Az Trend-ə istinadən bildirir ki, finala Kristofer Remkes (Avstraliya), Dominik Kanningem (Böyük Britaniya), Yan Hakson (Cənubi Koreya), Kolin van Viklen (ABŞ), Denis Ablyazin (Rusiya), Yeqor Şaramkov (Belarus), Cehvan Şin (Cənubi Koreya), İqor Radivilov (Ukrayna) vəsiqə qazanıb.

Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku çərçivəsində yarışların ikinci günü keçirilir.

Martın 17-nə qədər davam edəcək yarışların ilk günündə təmsilçilərimizdən Murad Ağarzayev (sərbəst hərəkətlər), Nikita Simonov (halqalar) və Marina Nekrasova (dayaqlı tullanma) final mərhələsinə vəsiqə qazanıblar.

Dördgünlük turnir Tokio-2020 Yay Olimpiya Oyunlarına vəsiqə qazanmaq istəyən gimnastlar üçün mühüm keçid rolunu oynayacaq. Belə ki, olimpiyadaya təsnifat xarakterli bu yarışda iştirak etmək üçün 41 ölkə qeydiyyatdan keçib. Medallar və lisenziya xalları uğrunda isə 121 kişi və 49 qadın idman gimnast mübarizə aparır.

Milli.Az