“Müğənnilər tərəfindən ailəsi dağılanlara səslənirəm, utanmayın!”

15 Mart 2019 10:59

13 illik əri Elçin Nəcəfovun müğənni Aysel Əlizadə tərəfindən əlindən alındığını iddia edən Turanə Nəcəfovanın İnstaqram-da açıqlaması yayılıb.

Milli.Az qafqazinfo-ya istinadən xəbər verir ki, T. Nəcəfova videoda sənətçilər tərəfindən ailəsi dağıdılan xanımlara səslənib: "Bəlkə də proqrama çıxmağımı düzgün anlayamayacaqsız, amma məcburam. Efirə çıxıb olanları etiraf edirəm. Müğənni tərəfindən ailəm dağıdılıb. Sonuncu dəfə Aysel Əlizadə yoldaşımla birgə qızımı apardı, indi isə uşağımı görə bilmirəm.

Ailəmin dağılmağının səbəbkarı odur. Proqrama utanaraq çıxıram, istəməzdim belə olsun. Övladıma qovuşmaq üçün bu addımı atmışam. Mənim kimi müğənnilər tərəfindən yüzlərlə yuvası yıxılan qadın var. Onlara səslənirəm ki, utanmayın, ekranlara çıxıb olanları danışın".

Milli.Az