Tərtərdə evdə partlayış: yaralanan var

14 Mart 2019 13:49

Tərtər rayonunda ümumi sahəsi 160 m² olan birmərtəbəli üçotaqlı evin mətbəxində partlayış baş verib.

FHN-dən Milli.Az-a verilən məlumata görə, partlayış dalğasının təsirindən mətbəxdə 2 ədəd pəncərə çərçivəsi dağılıb.

Yanğın hadisəsi baş verməyib.

Hadisə zamanı 1 nəfər xəsarət alıb.

İlkin ehtimala görə, partlayış məişət qazının sızması nəticəsində baş verib.

Hadisə ilə əlaqədar müvafiq qurumlar tərəfindən təhqiqat aparılır.

Milli.Az