"Barselona"nın futbolçusu Lionel Messi Çempionlar Liqasının 1/8 finalında evdə "Lion"u məğlub etdikləri oyundan (5:1) sonra "Yuventus"un hücumçusu Kriştianu Ronaldu haqda danışıb.
Milli.Az qol.az-a istinadən xəbər verir ki, argentinalı futbolçu İspaniya mətbuatına ÇL-dəki rəqiblərindən danışarkən "Yuventus" və Ronaldunu xüsusi qeyd edib:
"Ronaldo və "Yuventus" möhtəşəm idi. Cavab oyununda "Atletiko"nun daha güclü olacağını düşünmüşdüm, amma Turin klubu mərhələni keçməyi bacardı. Ronaldu möcüzəvi gecə keçirdi və 3 qol vurdu".
Qeyd edək ki, İtaliya klubu səfərdə 0:2 hesabı ilə məğlub olduğu "Atletiko"ya öz evində Ronaldunun het-triki ilə (3:0) qalib gələrək növbəti tura keçib.
Milli.Az