"Mançester Siti" Bernardo Silva ilə müqavilənin müddətini uzadıb.
Milli.Az xəbər verir ki, tərəflər arasında yeni müqavilənin müddəti 2025-ci ildə başa çatacaq. Bu barədə klubun rəsmi saytı məlumat yayıb.
Portuqaliyalı yarımmüdafiəçi ilə əvvəlki sözləşmənin müddəti 2022-ci ildə başa çatacaqdı.
İki il əvvəl Fransanın "Monako" klubundan 43 milyon funt-sterlinqə "Mançester Siti"yə transfer olunan 24 yaşlı futbolçu, bu mövsüm İngiltərə təmsilçisinin heyətində 40 oyuna çıxıb, 9 qol vurub.
Milli.Az