Havalar soyuduqca dodaqlarda çatlar əmələ gəlir. Bu isə xanımların sevmədiyi hallardan biridir.
Milli.Az axşam.az-a isitnadən evdə hazırlaya biləcəyiniz bir neçə maska təqdim edir:
Şəkər tozu və bal
Bir çay qaşığı şəkər tozu və balı qarışdırın. Dodaqlarınıza çəkin. 5 dəqiqə saxladıqdan sonra nəmli və canlı dodaqlara sahib olacaqsınız.
Hindistan qozu yağı
Hindistan qozu yağı dodaqların nəmlənməsində ən yaxşı vasitələrdəndir. Yağdan dodaqlarınıza çəkməyiniz kifayətdir.
Xiyar maskası
Xiyar üz dərisi ilə yanaşı dodaqların çatlamasının da qarşısını alır. Xiyarın iç hissəsini dodaqlarınıza vurub 15-20 dəqiqə saxlayın.
Su maskası
Dodaqlarınızın itirdiyi nəmi geri qaytarmaq üçün gün ərzində 8-10 stəkan su için. Beləcə həm bədən sağlamlığınızı qoruya biləcəksiniz, həm də dodaq quruluğundan qurtulacaqsınız.
Bal maskası
Balın tərkibində antibakterial maddələr olur. Dodağa qulluq zamanı təkcə baldan da istifadə edə bilərsiniz. Bütün dodağa çəkdiyiniz balı 15 dəqiqə saxlayın. Gündə 2-3 dəfə istifadə etmək daha məqsədəuyğundur.
Milli.Az