Göyçayda iki minik avtomobilinin iştirakı ilə yol-nəqliyyat hadisəsi baş verib.
Milli.Az ONA.az-a istinadən xəbər verir ki, hadisə bu gün axşam Göyçay-Ucar yolunun Çərəkə kəndi ərazisindən keçən hissəsində qeydə alınıb.
"İnfiniti" və "VAZ 2107" markalı minik avtomobillərinin toqquşması nəticəsində xəsarət alan iki nəfər-Göyçayın Yeniarx kənd sakini 1990-cı il təvəllüdlü Abdullayev Taleh Əmraslan oğlu və Xəlitli kənd sakini 1998-ci il təvəllüdlü Qasımov Anar Şakir oğlu müxfəlif dərəcəli bədən xəsarətləri ilə Göyçay rayon Mərkəzi Xəstəxanasına yerləşdirilib.
Hazırda hüquq-mühafizə orqanlarının əməkdaşları hadisə yerindədir.
Faktla bağlı araşdırma aparılır.
Milli.Az