Çox zaman yediyimiz qidaların, meyvə-tərəvəzlərin hansının nəyə faydalı olduğunu bilmirik. Bəzən isə bu barədə ziddiyyətli məlumatlara malik oluruq.
Milli.Az e-tibb.az-a istinadən daxili xəstəliklər üzrə mütəxəssis Çinarə Səfərovanın fikirlərini təqdim edirik:
Nar - güclü antioksidantdır, qan təzyiqini normallaşdırır, damarları qoruyur və xərçəng hüceyrələrinin əmələ gəlməsini ləngidir.
Alma - ağciyər xərçəngi, astma və şəkər xəstəliklərində orqanizmə faydası böyükdür.
Tərkibində olan K vitamini sayəsində orqanizmi möhkəmləndirir. Yeməkdən 30 dəqiqə əvvəl yeyildiyi zaman iştahanı azaldır.
Fındıq, fıstıq, qoz, badam - sağlam yaşamaq istəyən insanların həftədə ən az 5 dəfə 25 qram qoz-fındıq yemələri məsləhətlidir. Bu onlarda ürək-damar xəstəlikləri riskinin azalmasına səbəb olur.
Yemişan - orqanizmi xərçəng xəstəliyindən qorumaq qabiliyyətinə malikdir. O arterial təzyiqi aşağı salır, yaddaşı möhkəmləndirir.
Yumurta - ən təbii və zərərsiz qidadır. Yumurtanın tərkibi proteinlə zəngin olsa da, kalori dəyəri aşağıdır. O beyin hüceyrələrinin qoruyur və gözə çox faydalıdır.
Mal əti - protein və B 12 ilə zəngindir. Orqanizmin müqavimətini gücləndirir.
Süd - vitamin, mineral və orqanizm üçün lazım olan bakteriyalarla zəngindir. Tərkibində olan kalsium sümük sisteminin möhkəmlənməsində böyük rol oynayır.
Brokkli kələmi - orqanizmi toksinlərdən qoruyur, mineral və vitaminlərlə zəngindir. Orqanizmi xərçəng hüceyrələrinə qarşı qoruyur.
Lobya - şəkər və ürək-damar xəstələri üçün çox faydalıdır. Gün ərzində 25-30 qram yemək tövsiyə edilir...
Milli.Az