Dünyada dezinformasiya fəaliyyəti ilə təkcə dövlətlər məşğul olmur. Son bir neçə il ərzində amerikalı bir qrup milyarder öz ölkələrində Respublikçılar partiyasının sağ qanadını dəstəkləməklə bərabər, Avropa Birliyində yalan məlumatların yayılması, insanlar arasında irqi, dini, milli ayrı-seçkiliyi dərinləşdirmək üçün külli miqdarda pul xərcləyirlər.
Milli.Az musavat.com-a istinadən xəbər verir ki, bununla bağlı Fransanın "Le Monde" qəzetində Demyen Lelu imzası ilə xüsusi yazı dərc olunub.
"Rusiyanın "İnternet araşdırmaları agentliyi"ndən fərqli olaraq bu biznesmenlərin "Twitter" və ya "Facebook"da saxta akkauntlarla informasiya yayıb ictimai rəyi dəyişdirə bilən çoxsaylı komanda və ya ordusu yoxdur. Lakin onların pulları və dövlət əlaqələrinə malik şirkətləri sosial şəbəkələrdə mesajlarını yaymaq üçün reklam almağa imkan verir,"- məqalədə qeyd olunub.
Bütün bu sxemin mərkəzində isə "Renaissance Technologies" investisiya fondunun rəhbəri Robert Merser və onun qızı Rebekka dayanır. Onlar Donald Trampın keçmiş müşaviri, sağ radikal və irqçi Stiv Bennonun sahibi olduğu "Breitbart News"u da maliyyələşdiriblər.
Lakin Merserlərin səxavəti təkcə ABŞ hüdudları ilıə məhdudlaşmır. Ata və qız Avropada fəaliyyət göstərən "Gatestone Institute" analitik mərkəzinə də ciddi maliyyə dəstəyi veriblər. Bu mərkəz bir çox dillərdə ultrasağ təmaüldən çıxış edən müəlliflərin məqalələrini dərc edir.
Bundan başqa, Kanada mərkəzli The Rebel saytı da "qoca qitə"dəki xəbərlərin təhrif olunmuş şəkildə yayılması ilə məşğuldur. 2017-ci ildə, Fransada keçirilən prezident seçkiləri öncəsi onun əməkdaşlarından biri Cek Posobets Emmanuel Makron barədə bir sıra informasiyaları "MacronLeaks" başlığı ilə mətbuata sızdırmışdı.
Sayt özü Fransadakı "sarı jiletlilər" hərəkatına media dəstəyini verən qurumlardan sayılır.
"The Rebel" və ona yaxın digər xəbər agrnltiklərinin rəsmi səhifələrində immiqrasiya, İslam dini , sosial-demokrat fikirlər sərt şəkildə tənqid olunur. Bundan başqa, burada "Breksit" öncəsi ciddi təbliğat kampaniyası həyata keçirilib.
Gələn xəbərlərdə "Rebel Media" nın amerikan milyarderi, sahibi olduğu "Cognex" şirkəti vasitəsilə sənaye videosistemlərindən külli miqdarda sərvət əldə edən Robert Şillman tərəfindən də ciddi yardım gördüyü qeyd edilir.
R. Şillman bir çox anti-islamçı layihələrə, o cümlədən "Horovits Mərkəzi" (Horowitz Center) deyilən təşkilatı da məliyyləşədirməsi ilə bilinir. Həmin təşkilat isə bir çox insan hüquqları uğrunda fəaliyyət göstərən mərkəzlər tərəfindən anti-islam fikirləri, o cümlədən nifrət və dezinformasiya xəbərlərini yayan "layihələr şəbəkəsi" kimi xarakterizə olunur.
Milli.Az