İranda cinsiyyətin dəyişilməsi ilə bağlı STATİSTİKA

14 Fevral 2019 13:14

İranda ötən 10 il ərzində 5-6 min nəfər cinsiyyətini dəyişib.

Milli.Az Trend-ə istinadən xəbər verir ki, bunu İranın Şərq qəzetinə açıqlama verən İran Cinsi Problemlərdən Əziyyət Çəkən Xəstələrə Dəstək Cəmiyyətinin sədri Fərşid Məsudi deyib.

Məsudinin sözlərinə görə, dünya statistikalarında da fərqli rəqəmlər var.

O əlavə edib ki, İranın 80 milyonluq əhalisini nəzərə aldıqda, ölkədə 24 min transseksualın olduğunu təxmin etmək olar.

Qeyd edək ki, 1981-ci ildə İranın ali dini lideri Ayətulla Xomeyni cinsiyyətin dəyişilməsi ilə cərrahiyyə əməliyyatı haqda fitva verib.

2012-ci ildə təsdiqlənən Ailəyə Dəstək qanununa əsasən İranda cinsiyyəti dəyişmək üçün Ailə Məhkəməsinə müraciət edilməlidir.

Milli.Az