Mərkəzi Amerikada yerləşən Salvador dövlətində keçirilən prezident seçkilərində Fələstin əsilli Nayib Bukele 54 faiz səslə qalib gəlib.
Milli.Az qafqazinfo-ya istinadən xəbər verir ki, bununla o, ölkənin ilk Fələstin mənşəli dövlət başçısı olub.
Buna qədər paytaxt San-Salvadorun bələdiyyə rəhbəri işləyən Bukelenin ailəsi 20-ci yüzilin əvvəllərində Fələstinin Qüds şəhərindən Osmanlı imperatorluğuna məxsus vəsiqə ilə Mərkəzi Amerikaya köç edib. Onun atası Armando Bukele tanınmış müsəlman iş adamıdır.
Yeni prezident siyasətə 1999-cu ildə başlayıb.
38 yaşlı Bukelenin cins şalvar və dəri pencək kimi gündəlik geyimləriylə xalqın qarşısına çıxmağa üstünlük verməsi onu ölkənin digər prezidentlərindən fərqləndirib.
Milli.Az