"İnter"lə "Napoli" də 1/4 finalda

14 Yanvar 2019 08:12

Futbol üzrə İtaliya Kubokunda 1/8 final mərhələsinə start verilib.

Milli.Az komanda.az-a istinadən bildirir ki, ilk oyun günündə üç görüş baş tutub.

"Latsio" "Novara"nı darmadağınla mübarizədən kənarlaşdırıb. "Milan" "Sampdoriya" ilə səfər matçında əlavə vaxtda vurulan qollar sayəsində mərhələ adlayıb. "Yuventus" da "Bolonya"nı 2 cavabsız qolla üstələyərək, 1/4 finala yüksəlib.

Bazar günü daha üç görüş baş tutub. "Fiorentina" səfərdə "Torino"nu, "Napoli" isə doğma meydanda "Sassuolo"nu 2 cavabsız qolla üstələyib. "İnter" isə "Benevento" səddini darmadağınla keçib.

İtaliya Kuboku, 1/8 final

12 yanvar

Latsio - Novara 4:1

Sampdoriya - Milan 0:2

Bolonya - Yuventus 0:2

13 yanvar

Torino - Fiorentina 0:2

İnter - Benevento 6:2

Napoli - Sassuolo 2:0

14 yanvar

20:30. Kalyari - Atalanta
00:00. Roma - Virtus Entella

Milli.Az