Bu ölkədə fövqəladə vəziyyət rejimi ardıcıl altıncı dəfə uzadılıb

13 Yanvar 2019 22:04

Misirin Nümayəndələr Palatası (parlament) bazar günü ardıcıl 6-cı dəfə prezident Əbdül Fəttah Əs-Sisinin ölkədə fövqəladə vəziyyət rejiminin fəaliyyətinin daha 3 ay müddətinə uzadılması barədə fərmanını təsdiq edib.

Milli.Az Trend-ə istinadən bildirir ki, bu barədə "Al Youm As Sabi" portalı məlumat yayıb.

Misirdə fövqəladə vəziyyət 2017-ci ilin aprelində kamikadzelər tərəfindən ölkənin Tanta və İskəndəriyyə şəhərlərində yerləşən iki kilsədə törədilən terror aktlarından sonra tətbiq edilib. Həmin zaman 45 nəfər həyatını itirmiş, 120-dən çox insan isə yaralanmışdı. Hücumlara görə məsuliyyəti İŞİD terror təşkilatı öz üzərinə götürmüşdü.

Milli.Az