Su nohuruna düşən qız xilas edilib, vəziyyəti ağırdır

11 Yanvar 2019 08:16

Hacıqabul rayonunda su nohuruna düşən 9 yaşlı qız xilas edilib.

Milli.Az report-a istinadən bildirir ki, hadisə Hacıqabul rayonunun Nəvahi kəndində qeydə alınıb.

Həmin kəndin 2009-cu il təvəllüdlü sakini Dövlətova Aytən Elvin qızı ehtiyatsızlıqdan su nohuruna düşüb. Doqquz yaşlı qız yaxınları tərəfindən xilas edilib. Hazırda Şirvan Şəhər Xəstəxanasının Reanimasiya şöbəsinə yerləşdirilən azyaşlının vəziyyəti ağırdır.

Faktla bağlı araşdırma aparılır.

Milli.Az