İngiltərə Liqa kubokunun yarımfinal mərhələsinin ilk oyununda "Barton"a 9:0 hesabıyla qalib gələn "Mançester Siti"nin baş məşqçisi Pep Qvardiola, matçdan sonra açıqlama verib.
Milli.Az komanda.az-a istinadən bildirir ki, 47 yaşlı mütəxəssis "Barton"un turnirdə inanılmaz çıxış etdiyini deyib:
"Nəticə olaraq finaldayıq, amma ikinci oyunu da oynamalıyıq. O oyuna da ciddi yanaşacağıq. Məncə, "Barton" turnirdə inanılmaz çıxış etdi. Buna görə qürur duymaları lazımdır".
İspan mütəxəssis zəif rəqiblərə qarşı oyunların asan keçmədiyini də deyib:
"Belə matçlarda aşağı səviyyəli komandalarla oynamaq asan olmur. Rəqibi dəyərləndirdik və yaxşı oyun göstərdik. İkinci və üçüncü qoldan sonra işimiz daha da asanlaşdı".
Milli.Az