Rusiyanın hərbi peyki - "Kosmos-2430" orbitdən çıxıb və atmosferdə yanıb.
Milli.Az Sputnik Azərbaycan-a istinadən xəbər verir ki, hadisə yanvarın 5-də baş verib.
Faktı Rusiya Müdafiə Nazirliyi də təsdiqləyib. Nazirliyin məlumatına görə, 2007-ci ildə kosmosa buraxılan peyk 2012-ci ildə Rusiya orbital qruplaşmasının tərkibindən çıxarılıb. Bu ilin yanvar ayında o, plana əsasən orbitdən endirilib.
Qurğu atmosferin sıx qatlarında, Atlantik okeanı üzərində, təxminən 100 kilometr hündürlükdə tamamilə yanıb.
Milli.Az