Minik avtomobilləri toqquşub, xəsarət alanlar var

9 Yanvar 2019 22:31

Saatlı rayonunda iki nəfərin xəsarət alması ilə nəticələnən yol qəzası baş verib.

Milli.Az report-a istinadən bildirir ki, hadisə axşam saatlarında, Qaranur kəndi ərazisində qeydə alınıb.

İki minik avtomobilin toqquşması Qaranur kəndinin sakinləri - 1969-cu il təvəllüdlü Əliyev Nihat Abbasəli oğlu və Əhədov Valeh Heydər oğlu müxtəlif dərəcəli bədən xəsarətləri alıblar. Yaralılar Saatlı Rayon Mərkəzi Xəstəxanasına çatdırılıb. V.Əhədovun vəziyyəti ağır olduğundan onun Bakıdakı xəstəxanalardan birinə göndəriləcəyi gözlənilir.

Faktla bağlı araşdırma aparılır.

Milli.Az