Bakıda 24 yaşlı oğlanı küçədə bıçaqladılar

25 Dekabr 2018 20:17

Bakıda gənc oğlan küçədə bıçaqlanıb.

Milli.Az Trend-ə istinadən bildirir ki, hadisə paytaxtın Nərimanov rayonu ərazisində baş verib.

Rayon sakini, 1994-cü il təvəllüdlü Tanrıverdiyev Rəhim Rauf oğlu küçədə kürək nahiyəsindən bıçaqlanıb.

Yaralı Kliniki Tibbi Mərkəzə çatdırılıb və əməliyyat olunub.

Hadisənin kim tərəfindən və nə məqsədlə törədildiyi məlum deyil.

Faktla bağlı Nərimanov rayon Prokurorluğunda araşdırma aparılır.

Milli.Az