"Mançester Yunayted"in baş məşqçisi Joze Mourinyo Premyer Liqanın 15-ci turunda "Arsenal"la qarşılaşdıqları matçdan (2:2) sonra fikirlərini bildirib.
Milli.Az komanda.az-a istinadən bildirir ki, portuqaliyalı mütəxəssis İngiltərə mətbuatına açıqlamasında səhvlərdən qol buraxdıqlarını deyib:
"Dörd qol oldu və hesab 2:2. Hər oyunda olduğu kimi, bu matçda da etdiyimiz səhvlərin cəzasını ödədik.
Futbolçular xarakter göstərdilər, qələbə üçün hər şey etdilər. Onların bu oyunda göstərdikləri xarakter əsl "Mançester Yunayted" səviyyəsindədir".
MY 15 turdan sonra 23 xalla 8-ci pillədə qərarlaşıb.
Milli.Az