Səudiyyə Ərəbistanının İstanbul Baş Konsulluğunda öldürülən jurnalist Camal Qaşıqçının cəsədini asiton turşusunda əridənlərdən 3-nün adı açıqlanıb.
Milli.Az Teleqraf.com-a istinadla xəbər verir ki, cinayətdə krallığın mühafizəçisi polkovnik Mahir Əbdüləziz Mürtəb, Ədliyyənin Tibb Qurumunun başçısı Salah Məhəmməd Əbdüh ət-Tübeyki və Zair əl-Hərbi adlı şəxsin iştirakı ifşa edilib.
Mənbə iddia edir ki, cəsədin yox edilməsi üçün konsulluğun binasında asiton və digər kimyəvi maddələr əvvəldən hazır vəziyyətdə saxlanılıb.
Son məlumata görə, Qaşıqçının cəsədi tamamilə turşuda əridilərək yox edilib.
Qeyd edək ki, türk polisi Səudiyyə Konsulluğunun həyətindəki quyudan asiton və digər kimyəvi maddələrin izlərini aşkar etmişdi.
Milli.Az