İtaliyanın "Milan" klubu ciddi itki ilə üzləşib.
Milli.Az goal.az-a istinadən xəbər verir ki, "Milan"ın argentinalı yarımmüdafiəçisi Lukas Bilya zədə səbəbindən 4 ay meydanlara çıxmayacaq. Bir müddət öncə "Milan"ın məşq prossesində ayaq əzələsindən zədələnən Bilya 8 noyabr tarixində Finlandiyada əməliyyat olunub. Əməliyyatdan öncə onun 1 ay müddətinə sıradan çıxacağı deyilsə də, finlandiyalı həkimlər Bilyanın ən azı 4 ay yaşıl meydanlardan uzaq qalacağını bildiriblər.
32 yaşlı futbolçu bu mövsüm "Milan"ın heyətində 9 oyunda iştirak edib.
Xatırladaq ki, "Milan"ın növbəti oyunu 11 noyabr tarixində "Yuventus" klubuna qarşı olacaq.
Milli.Az