Göyçay rayonunda piyadanın ölümü ilə nəticələnən yol-nəqliyyat hadisəsi baş verib.
Milli.Az Report-a istinadən bildirir ki, hadisə Bakı-Şamaxı-Yevlax yolunun 219-cu km-də Göyçay ərazisindən keçən hissəsində qeydə alınıb.
Göyçay rayonunun Mırtı kənd sakini, 1978-ci il təvəllüdlü Şəmsi Həsrətovun idarə etdiyi "Mercedes-Benz" markalı avtomobillə yolu qarşı tərəfə keçməkdə olan 1978-ci il təvəllüdlü Niyaməddin Məmmədovu vurub. Nəticədə piyada aldığı ağır xəsarətlərdən hadisə yerində ölüb.
Faktla bağlı araşdırma aparılır.
Milli.Az