UEFA Millətlər Liqasının IV turunda Azərbaycan yığması ilə qarşılaşacaq Malta millisi itki ilə üzləşib.
Milli.Az report.az-a istinadən bildirir ki, komandanın kapitanı Maykl Mifsud Bakıda keçiriləcək qarşılaşmada iştirak edə bilməyəcək.
Hücumçu Millətlər Liqasının III turunda Kosovo ilə matçın 70-ci dəqiqəsində qırmızı vərəqə ilə cəzalandırıldığı üçün millimizlə matçı buraxacaq.
Qeyd edək ki, oktyabrın 14-də Bakı Olimpiya Stadionunda keçiriləcək Azərbaycan - Malta matçı saat 20:00-da başlayacaq.
Milli.Az