NASA-nın rəhbəri: "Yerdən kənarda canlı həyat var"

10 Oktyabr 2018 22:14

NASA-nın rəhbəri Cim Braydenstayn yeni açıqlamalar verib.

Milli.Az "ölkə.az"-a istinadən bildirir ki, Braydenstayn Yerdən kənarda, Günəş sistemində canlı həyatın olma ehtimalından danışıb.

"Biz Yer planetindən kənarda canlı həyat kəşf edə bilərik. Əgər biz Günəş sistemində canlı həyatı kəşf edə bilsək, bu bizim hökumətlərin kosmik sahədəki siyasətinə birbaşa təsir edə bilər", - deyə Cim Moskva Dövlət Universitetindəki leksiyasında bildirib.

Onun sözlərinə əsasən, Yupiterin peyki Avropa bu kəşf üçün uyğundur. Avropa səma cismi buz qatı ilə örtülüdür. Onun altında okean ola bilər. NASA-nın növbəti kosmik tədqiqat obyekti Avropa olacaq.

Milli.Az