Metro stansiyalarında konsert olacaq

14 Sentyabr 2018 11:12

Milli musiqi günü metropolitendə də qeyd olunacaq.

Milli.Az xəbər verir ki, "Bakı Metropoliteni" QSC ənənəsinə sadiq qalaraq, 18 Sentyabr - Milli Musiqi Gününü xüsusi layihə ilə qeyd edəcək.

Metropolitendən istifadə edən sərnişinlərə bayram ovqatı bəxş etmək məqsədilə sentyabrın 18-də sərnişin axını daha çox olan bir neçə stansiyanın vestibülündə konsert proqramları təşkil olunacaq.

Musiqi proqramına milli və klassik musiqi nümunələri daxildir. Budəfəki proqramda canlı musiqi "İçərişəhər", "Sahil", "28 May" və "Elmlər Akademiyası" stansiyalarında aşağıda göstərilən saatlarda səsləndiriləcək:

- "İçərişəhər" stansiyası - saat 11:00-12:30;

- "Sahil" stansiyası - saat 12:00-13:30.

- "28 May" stansiyası - saat 13:00-14:30;

- "Elmlər Akademiyası" stansiyası - saat 14:00-15:30.

Yusif Nəsirli
Milli.Az