Dünyada ən bədbəxt insanlar bu ölkədə yaşayır

13 Sentyabr 2018 08:13

Dünyada özlərini ən bədbəxt hesab edən insanların yaşadığı ölkə məlum olub.

Milli.Az oxu.az-a istinadən bildirir ki, Gallup sosioloji xidmətin araşdırmasının nəticələrinə əsasən, siyahıda birinci yeri Mərkəzi Afrika Respublikası tutub.

Bu ölkədə insanların 76 faizi fiziki ağrı, 74 faizi isə narahatlıq hiss etdiyini açıqlayıb. Məlum olub ki, bu, son 10 il ərzində bütün ölkələr üçün ən yüksək göstəricidir.

Siyahıda ikinci yerdə İraq, üçüncü yerdə isə Cənubi Sudan qərarlaşıb.

Onların ardınca Çad, Syerra-Leone, Misir, İran, Niger, Fələstin, Liberiya, Madaqaskar və Uqanda gəlir.

Milli.Az