Adnan Oktar və adamlarına qarşı təşkil edilən əməliyyatda saxlanılan M.K. adlı bir qadın 22 il öncə şəbəkə daxili cinsi əlaqə zamanı bir uşaq dünyaya gətirdiyini deyib. Lakin qadın 7 yaşında uşağını tərk edib, şəbəkədəki işinə davam etdiyini deyib.
Milli.Az Haberler-ə istinadən xəbər verir ki, polis idarəsində dindirilən M.K-ya oğlunun indiki fotosu göstərilib. Şübhəli qadın fotodakı şəxsi tanıya bilmədiyini deyib. Sonra M.K-ya uşağın 7 yaşında çəkilmiş bir şəkli göstərilib. İllərdir görmədiyi oğlunu bu dəfə tanıyan M.K. şoka düşərək "Bu, mənim oğlum A." deyib.
Polis şübhəli qadının oğlunu Adnan Oktara görə tərk edib, o zamandan bir də görmədiyini aşkara çıxarıb.
Məhəmməd Vaqif
Milli.Az