"Xəzər-Lənkəran" (Moskva) komandası Rusiya paytaxtı Moskvada 8x8 sistemi üzrə həvəskarlar arasında keçirilən "Urban Cup" Açıq Yay Kuboku uğrunda yarışlarda ardıcıl ikinci qələbəsini qazanıb.
Milli.Az xəbər verir ki, "Б" qrupundakı ikinci oyununda "Nord-East United" komandası ilə qarşılaşan "Xəzər-Lənkəran" rəqibin qapısından 2 cavabsız top keçirərək qalib gəlib.
Qeyd edək ki, "Xəzər-Lənkəran"ın yer aldığı qrupda növbəti mərhələ uğrunda 7 komanda mübarizə aparır. Bundan əvvəlki oyunda "həmyerlilərimiz "İsfana"nı 5:0 hesabı ilə məğlub etmişdi.
"Xəzər-Lənkəran" Moskvada "Urban Cup"da ilk qələbəsini qazandı
Oyunlar Moskvada neytral meydançalarda keçirilir. Bu yarış müxtəlif liqalardan olan komandaların bir-biri ilə bir turnirdə qarşılaşması üçün unikal imkan və əlavə həvəs yaradır.
Xatırladaq ki, "Xəzər-Lənkəran" (Moskva) komandası bu il iyun ayının əvvəlində yaradılıb. Onun təsisçiləri əslən Azərbaycandan olan və hazırda Rusiyada yaşayan Elnur Babayev və Ruslan Hüseynov adlı gənclərdir.
Zəfər Tağı
Milli.Az