16:58
"Avtovağzal" və "Memar Əcəmi 2" metrostansiyaları fəaliyyətini bərpa edib.
Milli.Az bildirir ki, bunu Trend-ə özəl olaraq "Bakı Metropoliteni"nin mətbuat xidmətinin rəhbəri Bəxtiyar Məmmədov deyib.
Onun sözlərinə görə, saat 16:10 radələrində elektrik enerjisi kəsildiyindən Bakı metropoliteninin Bənövşəyi xəttində - "Avtovağzal" və "Memar Əcəmi" stansiyaları arasında qatarların hərəkəti mümkün olmayıb.
Saat 16:30-da gərginlik bərpa olunub və hər iki stansiyada qatarlar hərəkətini bərpa edib.
Hazırda qatarların hərəkətində heç bir problem yoxdur.
-----------
16:51
Bakının bir çox ərazilərində, eləcə də əksər rayonlarda işıqlar sönüb.
Milli.Az yenicag.az-a istinadən xəbər verir ki, sosial şəbəkə istifadəçilərinin yaydığı məlumata əsasən işıqların sönməsi səbəbilə yenidən "Bakı Metropoliteni"nin fəaliyyəti dayanıb.
Rəsmi qurumlarla əlaqə saxlamağa çalışsaq da telefonlarımıza cavab verən olmadı.
Milli.Az