Rusiyalı yazıçı: Ermənistan bizə lazım deyil

11 İyul 2018 20:50

İctimai-siyasi, humanitar və hərbi fəaliyyəti ilə tanınan rusiyalı yazıçı Zaxar Prilepin Rusiya ilə bağlı geosiyasi sualları cavablandırıb.

Milli.Az oxu.az-a istinadən xəbər verir ki, yazıçı Ermənistandakı son inqilaba da toxunub.

"Baxın, Ermənistanda indi çevirilişdi, gəlin Ermənistanla bağlı qərar verək. Nə qərar verək? Ermənistan Rusiya ilə ticarət balansını aparan ölkələr sırasında 35-cidir, o bizə lazım deyil.

Hərbi bazalara getmək olmur. Ermənilərin hamısı Rusiyada yaşayır, ümumiyyətlə orada onların az bir qismi yaşayır", - Prilepin "Danışır Moskva" radiostansiyasına müsahibəsində deyib.

O əlavə edib ki, tarixən Rusiya Qafqaz, Mərkəzi Asiya, Şərqi Avropada əsas oyunçu hesab edilir və bu regionların ölkələri ya Rusiya ilə hesablaşır, ya da okeanın o biri tayından özlərinə tərəfdaş tapırlar.

Qarabağ məsələsinə toxunan Prilepin bildirib ki, bu münaqişə heç vaxt bitməyəcək.

Milli.Az