Tbilisi aeroportunun kassasına zəhərli maddə tökən şəxs saxlanılıb.
Milli.Az APA-ya istinadən bildirir ki, saxlanılan şəxs Rusiya vətəndaşı Dimitri B. adlı şəxsdir.
İstintaqla müəyyən olunub ki, 2 iyul 2018-ci il tarixində Dimitri B. tərkibində sağlamlığa ziyan vuran maddənin olduğu mayeni Tbilisi beynəlxalq hava limanının uçuş zalında yerləşən aviaşirkətlərdən birinin kassasına töküb.
Faktla bağlı istintaq DTX-nin Əks-kəşfiyyat Departamenti tərəfindən aparılır.
Qeyd edək ki, iki gün öncə Tbilisi hava limanında baş vermiş insident nəticəsində hava limanının bir neçə əməkdaşı zəhərlənib.
Milli.Az