Bakı metrosunda qız qatar yoluna düşdü, heç kim "görmədi" - FOTO

12 İyun 2018 14:42

Sosial şəbəkədə "arzu_akhmadova" adlı istifadəçinin paylaşdığı şəkil təəccübləndirib.

Milli.Az xəbər verir ki, gənc qız Bakının "Nəriman Nərimanov" metro stansiyasının qatar yoluna düşərək çəkdirdiyi fotosunu İnstagram hesabında paylaşıb. Sözügedən və metronun eyni adlı stansiyasında çəkilmiş digər fotoda nə metropoliten işçisi nəzərə çarpır, nə də bir polis əməkdaşı.

Nəzərə alsaq ki, bu şəkil yuxarıda da göründüyü kimi 04:01-də çəkilib, o zaman gənc qızın metroya necə daxil olduğu sual yaradır.

Həyatını riskə atan gənc qızın bu addımı sosial şəbəkədə də birmənalı qarşılanmayıb.

Şəkilin fotoşop olduğu istisna edilmir.

Ümid edirik ki, aidiyyəti qurumlar məsələ ilə bağlı lazımi araşdırma aparacaqlar.

Milli.Az