Gerrye "Qarabağ"la yeni müqavilə bağladı

12 İyun 2018 10:42

Haiti milli komandasının futbolçusu Vild-Donald Gerrye "Qarabağ" klubu ilə yeni müqavilə bağlayıb.

Milli.Az report-a istinadən xəbər verir ki, bu barədə 29 yaşlı yarımmüdafiəçi yerli mətbuata açıqlamasında bildirib. Gerrye deyib ki, mövcud sözləşməsini daha bir il müddətinə uzadıb. İtaliya klubları ilə danışıqlar aparmadığını söyləyən təcrübəli oyunçu bu həftə Ağdam komandasının heyətində Çempionlar Liqasına hazırlıq üçün məşqləri bərpa edəcəyini vurğulayıb.

Qeyd edək ki, Vild-Donald Gerrye "Qarabağ"a 2017-ci il iyulun 6-da keçib.

Milli.Az