Agent 47 geri qayıdır - VİDEO

12 İyun 2018 08:55

Warner Bros. şirkəti IO Interactive studiyası ilə birlikdə rəsmi olaraq Hitman 2 oyununu anons etdi. 2016-cı ildə satışa çıxmış Hitman oyunundan fərqli olaraq yeni oyun epizodik formatda satışa çıxmayacaq.

Milli.Az technote.az-a istinadən bildirir ki, əgər yadınızdadırsa həmin Hitman oyununun hər bir yeni epizodunu oyunçu almaq məcburiyyətində qalırdı. Yeni oyunda isə studiya bu cür formatdan imtina edib. Bu isə o deməkdir ki, oyunu alacaq oyunçular onu tam versiyada əldə edəcəklər. Süjet xətti cəhətdən ikinci oyunu birinci oyunun davamıdır. Oyunçular Agent 47 ilə birlikdə daha çox ekzotik yerlərə səyahət edərək yüzlərlə insanı sifariş ilə qətlə yetirməli olacaqlar. Hitman 2 bu ilin Noyabr ayında PC, PS4 və Xbox One konsolları üçün satışa çıxacaq. Oyun haqqında əlavə məlumatlar isə E3 2018 oyun sərgisində veriləcək.
Milli.Az