Bakının "Rabitə" voleybol klubu Tailand və Braziliya komandaları ilə qarşılaşacaq

30 Avqust 2011 10:11

Oktyabrın 8-dən 14-dək voleybolçu qadınlar arasında Qətərin paytaxtı Dohada keçiriləcək klublararası dünya çempionatının təqvimi müəyyənləşib.

AzərTAc xəbər verir ki, Azərbaycanı bu mötəbər yarışda təmsil edəcək Bakının "Rabitə" klubu ilk matçına oktyabrın 11-də çıxacaq. Çempionlar Liqasının gümüş mükafatçısı ilk sınağında Asiya çempionu Tailandın "Çanq" komandası ilə münasibətlərinə aydınlıq gətirəcək.
Bir gün sonra isə "Rabitə"nin rəqibi Cənubi Amerikanın ən güclü komandası - Braziliyanın "Sollis Nestle" klubu olacaq.

Milli.Az