İsti yay aylarında sərin qidalara ehtiyac duyulur. Bu zaman asan hazırlanan desertlər köməyə çatır.
Milli.Az axşam.az-a istinadən bir neçə desertin hazırlanma qaydasını təqdim edir:
Meyvəli desert
Tərkibi:
Portağal - 1 ədəd
Banan - 1 ədəd
Üzüm - 100 qr
Şaftalı - 2 ədəd
Çiyələk - 5 ədəd
Şokolad - 1-2 dilim
Qaymaq - 50 qr
Hazırlanma qaydası:
Bütün meyvələri xırda-xırda doğrayın, sonra yaxşıca qarışdırıb desert qablarına yığın. Hazır çərəzin üzərinə bərk köpük halına qədər çalınmış qaymaq əlavə edin. Deserti şokolad dənələri ilə bəzəyin.
Kəsmikli desert
Tərkibi:
4 çay qaşığı jelatin
3 portağal
250 qram 30-35%-li qaymaq
3 xörək qaşığı bal
1 stəkan portağal şirəsi
300 qr kəsmik
Hazırlanma qaydası:
Bir qabda jelatini yarım stəkan su ilə isladın. Portağalın qabığını soyun və bir az suda 15 dəqiqə qaynadın. Kəsmiyin üzərinə 3 xörək qaşığı bal və 1 stəkan portağal şirəsi əlavə edib mikserlə çalın. Qaymağı ayrı qabda mikserlə qarışdırın. Soyulmuş portağal qabığını kəsmiyə əlavə edin. Jelatini bir az qızdırın və qaymaqla birlikdə kəsmikli qarışığa əlavə edin. Portağalları qabıqdan təmizləyin və dilim formasında doğrayın. Dördkünc formalı qaba qida kağızı qoyun üstünə portağal dilimlərini düzün. Qarışımı portağalların üstünə əlavə edin. 12 saat soyuducuda saxlayın. Sonra üzərinə sürtgəcdən keçirilmiş portağal qabığını səpin.
Milli.Az