İtaliyanın "Milan" komandasının sabiq futbolçusu Alessandro Nesta İtaliya B Seriyasında mübarizə aparan "Perucia" komandasının baş məşqçisi olub.
Milli.Az report.az-a istinadən bildirir ki, o, bu postda Roberto Bredanı əvəzləyib.
Nesta artıq yeni komandasını məşqə də çıxarıb.
Qeyd edək ki, "Perucia" İtaliya B Seriyasında sona bir tur qalmış 60 xalla 8-ci pillədə qərarlaşıb. Komanda A Seriyasında çıxış etmək üçün pley-off oyunlarında iştirak edəcək. Nesta 2016-2017-ci illərdə ABŞ-ın "Mayami" komandasının baş məşqçisi olub.
Milli.Az