Qiymətli daşlarla dəriyə qulluq necə olur? - 6 MƏQAM

16 İyun 2019 22:10

Əvvəllər yalnız zinət əşyalarında istifadə edilən qiymətli daşlar, hazırda evimizə gözəl enerjisi yaysın deyə şəfalı əşyalar halına dönüb. Bununla yanaşı onlardan həm də dəriyə qulluq vasitəsi kimi istifadə etməyə başlanılıb. Bəs qiymətli daşlarla dəriyə qulluq necə olur? Milli.Az lent.az-a istinadən bununla bağlı maraqlı məlumatı diqqətinizə çatdırır.

Qiymətli daşlar necə işləyir?

Hər daşın yaydığı bir titrəşim var. Bu titrəmə onun öz enerjisidir. Bu daşların enerjisi, ətrafdakı enerji balanssızlığını taraz saxlayaraq, rahatlıq və rifah yaradır. Ancaq hər daşın özünəməxsus bir şəfası olduğundan qiymətli daşlar da ehtiyaca görə dəyişir.

Bəs daşınızın xüsusiyyətinə qərar verib, sizin üçün uyğun olanı tapdıqdan sonra nə etmək lazımdır? Əlbəttə ki, enerjisini təmizləmək lazımdır. Sizdən əvvəl necə bir enerjinin ona yükləndiyini bilmirsiniz. Buna görə daşınızı duzlu suda 12-24 saat saxlayın. Sonra 12 saat günəş işığında saxlayandan sonra qoymaq və ya taxmaq istədiyiniz yerə yerləşdirin. Artıq onun enerjisi müsbətdir.

Qiymətli daşlar hamamda

Qiymətli daşları hamamınızın ətrafına qoyub daha enerjili bir otağa nail ola bilərsiniz. Hələlik yeni tətbiq olunsa da, içində qiymətli daş olan sabunlar hazırlanmağa başlanıb. Bu sabunlar bədənin müsbət enerji ilə dolmasına kömək edir.

Qiymətli daşlarla dəriyə qulluq

Dəriyə qulluqda qiymətli daşlar, enerjisini verdiyi titrəşimlərlə və tərkibində olan minerallarla birlikdə istifadə edilən məhsulun müsbət təsirini olduqca artırır.

Dəriyə təsiri

Titrəyən qiymətli daşlar, dəridə rahatlıq yaradan zəif hüceyrələrə doğru irəliləyir. Dərinin havalanmasına şərait yaradır, onu rahatlayır. Misal üçün, gül kuvarsı daşı, sakitləşdirir,  qan dövranını təmin edir və qızarıqlıqların qarşısını alır.

Qiymətli daşlar suda

Titrəyən enerjinin suda olduğunu düşünün. Qiymətli daşların enerjisini suda da hiss etmək istəyənlər rahatlamaq, dərilərini gözəlləşdirmək və sağlıq üçün bu daşları sularında da istifadə edir.

Dəri xəstəliklərini də sağaldırlar

Dərinizə qulluq etməsəniz, eqzema, aşınma, dəri quruluğu, göbələk kimi müxtəlif dəri xəstəlikləri ilə qarşılaşa bilərsiniz. Ancaq qiymətli daşlar bu kimi dəri xəstəliklərinin müalicəsində də istifadə olunur. Misal olaraq, ametist daşı dəri xəstəliklərinə qarşı faydalı bir daş olaraq tanınır.

Stressi aradan qaldırır

Qiymətli daşların yaydığı titrəşimlər, ani duyğu dəyişmələri vəziyyətində sizi tarazlaşdırır, pozitiv hiss etmənizə şərait yaradır. Eyni zamanda problemlərinizə çarə olaraq istifadə edəcəyiniz bu daşlar mənfi düşüncələri zehninizdən uzaqlaşdıracağı üçün stressi də azaldır. Stressin azalması da bir çox xəstəliyin stresslə əlaqəli olduğunu təxmin edərsək, sizin hər hansı bir sağlıq problemi ilə qarşılaşmamanız demək ola bilər. Ruhən yaxşı hiss etdiyiniz bədən də özünü yaxşı hiss edəcək və daha pozitiv yüklənmiş bir əhvalla yola çıxacaqsınız.

Milli.Az