Sinə əzələləri bədəndə ən iri əzələlərdən biridir. Bu əzələlərin böyüməsi üçün bir az zaman və xeyli əmək lazımdır.
Milli.Az Muscle boost Baku-ya istinadla bildirir ki, sinə əzələlərini böyütmək üçün aşağıdakı idman hərəkətlərini ardıcıllıqla etmək tövsiyə olunur.
1. Dips
4 set 8-12 təkrar
( Azərbaycanda "brus" və ya paralel qollar adı ilə tanınan hərəkət sinə əzələlərini inkişaf etdirməyə kömək edir. Bədən ağırlığı ilə etdiyiniz üçün sinə məşqinin əvvəlində etmək tövsiyə olunur. )
Qeyd: Paralel qollar həmçinin "triceps" adlanan qol arxası əzələsini işlətdiyinə görə həm də qol məşqi günü etmək daha tez nəticə əldə etməyə kömək olacaq.
2. Bench press
4 set 8 təkrar və ya 12-10-8-6-4-2 dəfə olmaqla ümumi 42 dəfə
( sinə əzələlərini böyütmək, iri və enli çiyinlərə sahib olmaq üçün sinə məşqi günü mütləq edilməli hərəkətlərdən biridir. Hərəkətin düzgün qaydası fotoda göstərilib. )
3. Incline press
4 set 8 təkrar
( Sinə əzələsinin yuxarı və çiyin əzələlərinin bir hissəsini böyüdür )
4. Dumbell press:
4 set 8 təkrar
5. Incline dumbell press:
4 set 8 təkrar
6. Push up
7. Cable press
4 set 8 təkrar
( Bu hərəkət əzələlər böyüdükdən sonra forma vermək üçün istifadə olunur. İlkin başlayanlar üçün effektli olmaya bilər )
Qeyd: Bundan əlavə də sinə üçün idman hərəkətləri olsa da, ilkin mərhələdə yuxarıda sadalanan hərəkətləri ardıcıllıqla etmək əzələni qısa zamanda böyüdəcək.
Əzələ kütləsini artırmaq üçün ağırlıq və təkrar sayı vacibdir. Unutmayın ki, nə qədər ağırlıq, o, qədər həcmli əzələ deməkdir. İstənilən halda 20 kiloqram ilə işləyən birinin əzələ ölçüsü 90 kiloqram işləyənin əzələ ölçüsü ilə bir ola bilməz. Buna görə də, hər məşqdə, hətta setlər arasında belə çəkini artırın.
Emin
Milli.Az