"Barselona"dan yeni rekord

17 Aprel 2018 19:39

İspaniya La Liqasının 32-ci turunda Valensiya-nı qəbul edən "Barselona" 2:1 hesablı qələbə qazanıb.

Milli.Az goal.az-a istinadən xəbər verir ki, bu matç Kataloniya təmsilisi üçün əlamətdar olub. Belə ki, bu qələbə ilə "Barselona" yeni rekorda imza atıb. Komandanın məğlubiyyətsiz oyun seriyası 39-a çatıb.

Qeyd edək ki, daha əvvəl rekord "Real Sociedad" klubuna məxsus idi (38). "Barselona" 39 oyunda 32 qələbə qazanıb və 7 heç-heçə edib. "Real Sociedad" isə 22 qələbəyə sevinib və 16 dəfə meydanı heç-heçə ilə tərk edib.

Milli.Az