Futbol tarixində ilk - Hakim fasilədə penalti təyin etdi - VİDEO

17 Aprel 2018 09:54

Almaniya Bundesliqasının XXX turunun son matçında maraqlı hadisə baş verib.

Milli.Az apasport.az-a istinadən xəbər verir ki, "Maynz" - "Frayburq" görüşü qeyri-adi olay yaşanıb.

Belə ki, qarşılaşmanın 45-ci dəqiqəsində meydan sahiblərinin hücumu zamanı top "Frayburq"lu müdafiəçinin əlinə dəyib. Hakim ilk anda epizodu nəzərdən qaçırıb və komandaları fasiləyə yollayıb.

Amma sonradan videotəkrar - VAR sisteminə müraciət edən referi penalti olduğuna qərar verib. Komandaları fasilədən geri çağıran ədalət təmsilçisi meydan sahiblərinə 11 metrlik cərimə zərbəsi vurdurub və De Blasis hesabı açıb.

Sonradan daha bir dəfə fərqlənən argentinalı matçın nəticəsini təyin edib - 2:0.

Milli.Az

Videonu izləmək üçün şəklə klikləyin:

Futbol tarixində ilk - Hakim fasilədə penalti təyin etdi